Energia aurrezteko informazioa eta aholkuak jaso ditu Debagoieneko Mankomunitateak gida batean eta hori banatzen dabil orain eskualdeko saltokietan. Energia kontsumoa gutxitzeko hainbat aholku bildu dituzte han, "inbertsio handirik behar ez dutenak". Merkataritza lokalei bideratutako gida da; denda bateko energia-xahuketaren iturri nagusienen inguruko gomendioak azaltzen dira, hala nola, argiztapena eta klimatizazioa. Argindarraren eta gasaren faktura ulertzeko gakoak ere jaso dituzte.
Guztira 1.000 ale inguru banatu dituzte, eta formatu digitalean ere eskuragarri dago.
