Azken egunetako joerari eutsiz, hotza egingo du datozen orduetan Debagoienean. Euskal Meteorologia Agentziak egindako iragarpenen arabera, oskarbi mantenduko da, eta ez du prezipitaziorik egingo; alta, tenperatura maximoek nekez gaindituko dituzte 10 graduak, eta goizaldean zeropeko tenperaturak espero dira hainbat herritako termometroetan.
Ondorioz, Euskalmetek abisu horia ezarri du biharko muturreko tenperatura baxuengatik eta izotzagatik. Zehazki, eguen goizaldeko 00:00etan sartuko da indarrean abisua, eta 10:00ak arte iraungo du.
Minimoak gora
Egubakoitz eta asteburuari begira, aldiz, meteorologia agentziak ez du alertarik ezarri. Maximoek 8-10 graduren bueltan jarraituko duten arren, minimoek gora egingo dute, balore positiboetan kokatuz.