Deba ibaia emari handiarekin doa, baina bere bidetik

Arantzazu Ezkibel Galdos 2021ko abe. 5a, 18:22

Abisu horia zegoen ezarrita 18:00ak bitartean eta gogotik bota du euria. Tarteka txingor erausiak eta haize ufada handiak ere izan dira. Ibaia emari handiarekin doa, baina bere bidetik.

Gaur goizean euri zaparrada indartsuak egin ditu zenbait momentutan; harria eta ekaitza ere bota du gogor leku batzuetan. Hala ere, euriak ez du aparteko kalterik eragin Debagoienean. Abisu horia 18:00ak arte zegoen ezarrita EAEn prezipitazio iraunkorrengatik.

Arazoak Oñatirako bidean

Harri zati bat erori da errepidera Zubillagatik Elorregirako tartean. GI-2630 errepidean gertatu da arratsaldeko lehen orduan. Harri zati bat erori da mendi magaletik, Oñatirako noranzkoan. Ertzaintza eta suhiltzaileak bertaratu dira.