Eusko Jaurlaritzako Osasun Sailak urriaren 18an argitaratu zuen egoitzetan eta zentro soziosanitarioetan COVID-19a kontrolatzeko protokoloaren arabera, lurralde historikoak 14 egunetan 100.000 biztanleko 150eko intzidentzia-tasa gainditzean prebentziozko probak egin behar dira.
Hala, egoitzetako langileek, aldez aurretik ezarritako egutegia jarraituz, 15 egunean behin listu proba diagnostiko bat egin beharko dute txertatuta egonez gero, eta txertoa hartu ez duten langileen kasuan, proba astean behin egin beharko dute. Zehaztu dutenez, langileek goizeko lehen orduan egin beharko dute proba diagnostikoa, pertsona bakoitzak bere lagina hartu eta egoitzan entregatuz.
