Iker Martinez oñatiarra esperientzia handiko musikaria da: Latzen taldearen sortzailea, eta horren ostean, Potemkin, Amonal, Lenao eta beste hainbat talde ere gidatu ditu. Badira urte dezente bakarlari gisa konposatzen eta kantuak plazaratzen hasi zela. Koolturreko antolatzaileen esanak aintzat hartuta, "orain, modu naturalean talde dotorea batu du inguruan, zaldi edo zakur zaharrez osatuta dagoena, Oñatiko rock eszenan betidanik presente egon direnak eta daudenak".
Bere izenarekin sinatu duen hirugarren lan luzean Iker Martinezek, eta alboan dituen Zaldi Herrenek, "are eta gehiago sakontzen dute folk eta rock amerikarrean, Araotz eta Nevada arteko distantzia ezabatu eta emaitza dotorea lortuz".
