- Grafiko eta datu guztiak ikusgai daude webguneko azken datuak atalean.
Aste honetan, zortzi kasu positibo erregistratu dira Debagoienean, nahiz-eta gaurko egunez ez den positiborik zenbatu. Herriz-herrikako intzidentzia tasei erreparatuta, bestalde, ez da aldaketa handirik izan, eta ezta kolore aldaketarik ere. Hala ere, jaitsierak izan dira bi herritan, atzoko eguneko datuekin alderatuz. Batetik, Aretxabaleta 183,62tik 155,37ra jaitsi da, eta, bestetik, Bergara, 59,86tik 53,93ra.
Herrietako datu guztiak daude eguneratuta ondorengo mapan:
> Mapa 14 egunetako tasa metatuaren arabera koloreztatu da. Osasun Sailak emandako irizpideei jarraiki, berdez agertuko dira 60tik beherako tasa dutenak, horiz 60-299 bitartekoak, laranjaz 300-399 bitartekoak eta gorriz 400etik gorakoak.
EAEn 110 positibo
Euskal Autonomia Erkidegoko datuei erreparatuz, atzo, 5.690 test diagnostiko egin ziren, eta, haietatik, 110 positiboak izan ziren. Lurraldeen arabera, 16 kasu antzeman zituzten Araban, 50 Bizkaian, 42 Gipuzkoan eta 2 Euskaditik kanpo bizi diren pertsonetan. Nafarroan, berriz, 1.618 proba egin zituzten atzo, eta horietatik 23 pertsonek eman zuten positibo, COVID-19 proban.
Ospitaleen egoera
Horrekin batera, COVID-19aren ondorioz 24 pertsona ospitaleratu ziren atzo EAEn, atzo baino lau pertsona gutxiago, eta ZIUn 46 pertsona daude, COVID-19ak jota, atzo baino hiru lagun gutxiago. Nafarroan, berriz, 42 pertsona ospitaleratu zituzten atzo, eta ZIUn 13 pertsona daude ingresatuta.
