Hego Euskal Herrian 5.502 test egin ziren atzo, eta orotara, 132 positibo atzeman ziren; beste modu batera esanda, proben %2,3k eman zuen positibo EAEn eta %3,2k Nafarroan. Lurraldeka, 68 kasu baieztatu ziren Bizkaian, 28 Nafarroan, 27 Gipuzkoan eta bederatzi Araban.
Positiboen beherakadarekin batera, ingresatutakoen zenbatekoa ere nabarmen jaitsi da, azken orduetan: hamabi lagun ospitaleratu zituzten atzo COVID-19aren eraginez EAEn, eta bat ere ez Nafarroan. Eta Zainketa Intentsiboetako Unitateei erreparatuta, orotara, 58 pertsona daude Hego Euskal Herrian: 45 EAEn –aurreko egunean baino zazpi gutxiago– eta hamahiru Nafarroan –aurreko egunean baino bi gutxiago–.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
