- Grafiko eta datu guztiak ikusgai daude webguneko azken datuak atalean.
Egun batetik bestera hamalau puntu egin ditu behera Debagoieneko intzidentzia-tasak: 165etik 151ra. Kontuan hartu behar da, duela astebete 232,99koa zela tasa.
Herriei erreparatuta, aurreratu bezala, aldaketa esanguratsuak izan dira azken orduetan, eta mapan eragin dute:
> Mapa 14 egunetako tasa metatuaren arabera koloreztatu da. Osasun Sailak emandako irizpideei jarraiki, berdez agertuko dira 60tik beherako tasa dutenak, horiz 60-299 bitartekoak, laranjaz 300-399 bitartekoak eta gorriz 400etik gorakoak.
EAEko tasa, 138koa
Beheranzko joerari eutsita, beste zortzi puntu egin ditu behera Euskal Autonomia Erkidegoko intzidentzia-tasak, eta 138,84koa da –bailarakoa baino hamahiru puntu txikiagoa–. Lurraldeen egoera eta adin-tarteen intzidentziak daude hurrengo bi grafikoetan:
Positiboei dagokienez, 5.462 PCR eta proba diagnostiko egin ostean, 1163 kasu baieztatu dira: 86 Bizkaian, 56 Gipuzkoan, 20 Araban eta bat bestelako lurraldeetan erroldatutakoen artean. Hots, positibotasun-tasa %3koa izan da.
Bestetik, oinarrizko birsorkuntza datua berdin mantendu da, 0,86koa da. 1etik behera jarraitzen du, baina duela astebeteko datuarekin alderatuta, 0,1o egin du gora.
50era murriztu da ZIUetako okupazioa
EAEko erietxeetan, 203 pertsona daude ingresatuta; aurreko astean baino 36 gutxiago, eta Zainketa Intentsiboetako Unitatean ere aldea igarri da aste batetik bestera: 50 daude –aurreko astean baino zortzi gutxiago–. Egun batetik bestera bi lagun gutxiago daude ZIUn eta hamahiru gutxiago plantan.
Nafarroan, 28 positibo
1.453 proba egin ostean, 28 kasu baieztatu dira Nafarroan; testen %1,9k eman du emaitza positiboa. Bestetik, erietxeetan 54 lagun daude ingresatuta eta horietatik hamabost daude ZIUn.
