20 eta 29 urte artekoen txertaketa da astiroen doana, eta Osasun sailburuak tarte horri zuzendutako mezua helarazi du aste honetan; hitzorduak hartzeko garaiz daudela ohartarazi du Sagarduik.
| Adin-taldea | 1. dosia | Inmunizazio handiena |
| 100 edo gehiago | %95,4 | % 94,4 |
| 90 - 99 | %93,2 | %93,1 |
| 80 - 89 | %97,2 | %96,8 |
| 70 - 79 | %95,8 | %95,7 |
| 60 - 69 | %93,8 | %93,7 |
| 50 - 59 | %94,1 |
%92,5 |
| 40 - 49 | %90,1 |
%88,9 |
| 30- 39 | %80,9 |
%74,2 |
| 20 - 29 | %73,1 |
%59,3 |
| 16 - 19 | %79,0 |
%58,1 |
| 12 - 15 | %81,1 | %36,6 |
Hirugarren dosia, immunoeskasia dutenentzat
Espainiako Osasun Publikoko Batzordeak atzo erabaki zuen, Europako Sendagaien Agentziaren hitza jarraituz, hirugarren dosia immunoeskasia duten pertsonei jartzea; hau da, organo solidoren bat transplantatuta dutenei, guraso hematopoietikoengandik transplantea hartutakoei edo CD20aren kontrako sendagaiak hartzen dituztenei. Pfizer edo Modernaren dosiak jarriko zaizkiela ere aurreratu zuen.
2022an, munduko populazioa txertatuta
Botika etxeek egin dituzten iragarpenen arabera, ekoizpenean aldaketa nabarmenik ez badago behintzat, 2022 hasieran mundu osoko helduak txertatzeko dosiak egingo dira. Hori bai, txerto horiek banatzen ere denbora beharko dela adierazi dute.
Osasunaren Mundu Erakundeak espero du, hilabete honetan, dosi gutxien iritsi diren herrialdeetan, populazioaren %10 txertatzea.
