- Grafiko eta datu guztiak ikusgai daude webguneko azken datuak atalean.
Bailarako intzidentzia-tasa 283tik 274ra jaitsi da, Aretxabaletan, Arrasaten, Bergaran eta Antzuolan tasek behera egin ostean. Nolanahi ere, bestelako joera izan duenik ere bada: Eskoriatzako eta Aramaioko intzidentziek apur bat egin dute gora. Gauzak horrela, eremu gorrian jarraitzen dute azken biek.
Datu guztiak daude eguneratuta beheko mapan:
> Mapa 14 egunetako tasa metatuaren arabera koloreztatu da. Osasun Sailak emandako irizpideei jarraiki, berdez agertuko dira 60tik beherako tasa dutenak, horiz 60-299 bitartekoak, laranjaz 300-399 bitartekoak eta gorriz 400etik gorakoak.
ZIUetako okupazioak, behera
Euskal Autonomia Erkidegoko datu adierazgarriena ZIUek utzi dutena izan da. Atzoko egunez 62 lagun zeuden Zainketa Intentsiboetako Unitateetan; herenegun baino bederatzi gutxiago. Hala, plantan dauden 195 pertsonekin, guztira 257 dira erkidegoan ospitaleratutakoak; aurreko egunean baino zazpi gutxiago eta duela astebete baino hamaika gutxiago.
Pandemiaren bilakaera neurtzeko erabiltzen diren gainerako adierazle gehienek ere hobera egin zuten atzo EAEn. Intzidentziak hamaika puntu egin ditu behera eta 240an kokatu da (aurreko astelehenean 327,18koa zen):
Orotara 6.151 proba diagnostiko egin ziren eta %4ak eman zuen emaitza positiboa; hots, 246 lagunek. Lurraldeetan banatuta, 125 izan ziren bizkaitarrak, 83 gipuzkoarrak, 29 arabarrak eta bederatzi gainerako lurraldeetan erroldatutakoak.
Bukatzeko, pandemiaren hedapena neurtzen duen oinarrizko birsorkuntza datua (R0) berdin mantendu da:
Positiboak bikoiztu dira Nafarroan
1.324 proba egin ostean, %5,3k eman du emaitza positiboa: 70 lagunek. Bestetik, erietxeetan, 69 lagun daude ospitaleratuta eta horietatik 22 dira ZIUn daudenak –aurreko astean baino hiru gutxiago–.
