Jaurlaritzatik diotenez, Arabako, Bizkaiko eta Gipuzkoako eskolek aste honetan jasoko dute datorren ikasturterako irizpideen protokoloa. Zuhurtzian oinarritutako protokoloa izango dela ziurtatu du, eta eskolak aurrez aurre ematearen garrantzia nabarmendu.
Bildarratzen arabera, Hezkuntza sailak protokolo orokorreko proposamen bat prestatu zuen ekainean, 2021/2022 ikasturtera begira. Bertan, pandemiaren aurkako neurriak zeintzuk izan behar ziren zehazten zen, "aurrez aurreko hezkuntza-jarduera bermatzeko helburuarekin".
Protokoloa, heltzear
Neurriak ikastetxeetara bidali aurretik, Osasun Sailarekin batera horiek "apur bat gehiago" doitzeko lanean ari direla onartu dute, eta aurreikusitakoaren arabera, aste honen amaiera iritsiko dira neurriak zentroetara.