Sintomen datatik edo probaren emaitza positiboa izan dutenetik kontatzen hasita, bigarren hilabetetik aurrera gaitza pasa duten 65 urteko edo gutxiagokoei txertoaren dosi bat jarriko dietela iragarri du gaur Eusko Jaurlaritzako Osasun sailburuorde Jose Luis Quintasek, Radio Euskadi irratian egindako elkarrizketan.
Quintasek azaldu duenez, hemendik aurrera, gaitza igaro dutenek ez dute sei hilabete itxaron beharko txertatzeko, eta bi hilabeteko epean txertoa hartzeko aukera izango dute: "COVID-19aren aurkako txerto nahikoa dago, eta lehentasunak ezarri behar dira". Txerto nahikorik ez zegoenean "zaurgarrienak" txertatu dituzte lehendabizi, "baina orain ez dago osasun arrazoirik sei hilabete itxaron behar izateko".
Hala, duela bi hilabete edo gehiago kutsatutakoei SMS mezuak bidaltzen hasiko zaie gaur Osakidetza.
