Neurri berriak: jarduera guztiak 01:00etarako itxita, eta edukierak %35era murriztuta

Mireia Bikuña 2021ko uzt. 22a, 18:45
Josu Erkoreka, Iñigo Urkullu eta Gotzone Sagarduy.

Bi horiekin batera, beste neurri berri batzuk gehitu dira bihar publikatuko den dekretuan. Hala nola, gizarte, kultura eta kirol ekitaldietan, eta ostalaritzan, edukiera %35ekoa izango da, barruan zein kanpoan; eta gaueko mugikortasuna eta talde pilaketak ekiditeko deialdi berezia. Azken egunetako datuak aintzat hartuta Bizi Berri IV planaren bigarren agertokitik hirugarrenera pasa da Euskal Autonomia Erkidegoa.

Babes Zibileko Planaren aholku batzordeak hartutako neurri murriztaile berriak pandemiak utzitako azken datuetan oinarritzen direla esan du Iñigo Urkullu lehendariak: Delta aldaeraren kutsatze maila %75 izatea, azken hamalau egunetako intzidentzia-tasa 682koa izatea eta ZIUetako egoeraren okertzea. 

Hori horrela, ondorengoak dira zapatutik aurrera indarrean egongo diren neurri berriak:

Musukoak

  • Aire zabaleko espazioetan eta zirkulazioa duten hiriguneetan maskara erabiltzea nahitaezkoa izango da.
  • Ostalaritza establezimenduetan eta jatetxeetan, derrigorrezkoa izango da, bai lokal barruan edo terrazan
  • Aire zabalean egiten diren kirol jardueratan ez da maskara erabili behar. 
  • Hondartzetan eta igerilekuetan ez da derrigorrezkoa izango, segurtasun distantzia mantentzen bada. Paseatzeko maskara ipini beharko da. 
  • Garraio publikoan derrigorrezkoa da.

Jarduera sozialak

  • Gizarte, kultura eta kirol jarduerak, eta ostalaritza zerbitzuak 01:00erako bukatu eta itxi behar dira.
  • Gehienezko edukiera %35 izango da.
  • Gizarte, kultura edo kirol-ekitaldietako gehieneko pertsona-kopurua murriztu egingo da.

Bestalde, Lehendakariak kontuan hartzeko beste bi irizpide azpimarratu ditu: norberaren osasun erantzukizuneko betebeharrak finkatzea, eta gaueko mugikortasun eta talde pilaketak ekiditeko deialdi berezia. "Nork bere buruari neurriak eta mugak ipintzea ezinbestekoa da: mugikortasuna murriztu, gehienez ere 6ko taldeetan elkartu, eta edozein sintomarekin, etxean konfinatu", esan du Urkulluk.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak