Lehenengo ziztada hartu duten herritarrak % 75 dira

Bihar, martitzena, ekingo zaio ofizialki txertaketa orokorrari (16 urtetik gorakoen txertaketari) baina aurreko asteetan baino txerto gutxiago iristea espero du Osasun Sailak. Horri jarraiki aurreratu du gazte gehienek ez dutela bigarren dosia irailaren aurretik jasoko.

16 urteko herritarren erdia baino gehiago, 1.169.917, dira txertaketa zikloa bukatu dutenak (% 61,8) eta dagoeneko erkidegoko biztanleen hiru laurdenak, 1.425.373 lagunek, jaso du lehenengo dosia (% 75,4). Gauzak horrela, iritsi diren 2.643.900 dosietatik, 2.457.792 jarri dira Euskal Autonomia Erkidegoan (% 93).

Txertoen konpainiei erreparatuta, Pfizerren 1.739.685 txerto jarri dira, AstraZenecaren 395.309,  Modernaren 235.663 eta Janssenen 87.135.

Adin-taldea 1. dosia Inmunizazio handiena
100 edo gehiago % 95,2 % 94,3
90 - 99 % 93,0 % 92,9
80 - 89 % 97,0 % 96,5
70 - 79 % 95,6 % 95,3
60 - 69 % 92,4 % 66,3
50 - 59 % 90,6

% 86,1

40 - 49 % 84,7

% 69,8

30- 39 % 60,9

% 19,9

20 - 29 % 18,5

% 14,6

16 - 19 % 5,7

% 3,2

Txerto gutxiago datozen asteetan

Aurreko astean baino txerto gutxiago jarri dira oraingoan (% 12 gutxiago) eta duela hilabeteko datuekin alderatuz gero, aldea nabarmen handiagoa da ( %21 gutxiago). Osasun Sailak aurreratu duenez, datozen asteetan 1.000 dosi baino gutxiago jarriko dira astean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.