Auzitegi Konstituzionalak legez kanpokotzat jo du pandemiako lehenengo itxialdia

Uxue Igarza Loiola 2021ko uzt. 14a, 18:03
Aretxabaletako plaza hutsik, iazko itxialdian.

Indarrean jarri aurretik kongresuan onartu behar zela argudiatuta, Konstituzionaleko sei magistraturen aldeko bozkekin, dekretuaren hainbat artikulu baliogabetu dituzte. Epaia datozen egunetan argitaratuko da, eta orduan jakingo da zehatz-mehatz zein ondorio izango dituen erabakiak.

Vox alderdiak alarma egoera baimentzen duen dekretuaren aurkako helegitea jarri zuen Auzitegi Konstituzionalean. Gaur, sei magistraturen aldeko bozkekin –eta kontrako bostekin–, dekretuaren hainbat artikulu baliogabetu dituzte; hala nola, espazio eta bide publikoetan ibilgailuen joan-etorria debekatzen duena eta ostalaritza, kultur eta aisialdi arloko jardueretan murrizketak ezartzeko eskumena Osasun Ministerioari esleitzen diona. Gainerako artikuluetan, baina, Madrilgo Gobenuari eman dio arrazoia Auzitegi Konstituzionalak.

Epaia eta boto partikularrak ez dira datozen egunetara arte argitaratuko, eta hortaz, ezin da jakin zeintzuk diren ondorioak. Halere, zenbait hedabidek interpretatu dutenez, besteak beste, kolokan egon daitezke alarma egoeran jarritako isunak. Era berean, itxieraren eraginez kaltetutako sektoreek ere erreklamazioen bidea hartzeko aukera izan dezakete.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak