Egubakoitzean egindako probek hamabost kasu baieztatu zituzten, eta zapatuan egindakoek, berriz, bost. Bukatzeko, atzo hiru kasu baieztatu ziren bailaran.
| HERRIA | Egubakoitza | Zapatua | Domeka | GUZTIRA |
| Bergara | 5 | 2 | 0 |
7 |
| Arrasate | 4 | 1 | 1 |
6 |
| Antzuola | 1 | 2 | 1 |
4 |
| Aramaio |
3 |
0 | 1 | 4 |
| Aretxabaleta | 1 | 0 | 0 |
1 |
| Oñati | 1 | 0 | 0 |
1 |
| Elgeta | 0 | 0 | 0 |
0 |
| Eskoriatza | 0 | 0 | 0 |
0 |
| Leintz Gatzaga | 0 | 0 | 0 |
0 |
| GUZTIRA | 15 | 5 | 3 | 23 |
- Grafiko eta datu guztiak ikusgai daude goiena.eus-eko azken datuak atalean.
Aramaio gorri, Oñati berde
Intzidentzia-tasei erreparatuta, nabarmen aldatu da Debagoieneko mapa. Kasu gehienetan okerrera egin dute datuek, baina salbuespenik ere izan da.
Azpimarratzekoa da Aramaiok 400eko langa gainditu duela –eta hortaz gorriz markatuta ageri dela mapan– eta Antzuola ere muga horretatik gertu kokatu dela, 367,14ko tasa erregistratu ostean. Bestetik, Aretxabaleta, Arrasate eta Bergara gune berdetik horira igaro dira.
Eta Oñatiren kasuan, aldiz, hobera egin du tasak: 43,60ko intzidentzia du eta gune berdera igaro da. Datu guztiak daude eguneratuta hurrengo mapan:
>Mapa 14 egunetako tasa metatuaren arabera koloreztatu da. Osasun Sailak emandako irizpideei jarraiki, berdez agertuko dira 60tik beherako tasa dutenak, horiz 60-299 bitartekoak, laranjaz 300-399 bitartekoak eta gorriz 400etik gorakoak.
EAEko intzidentzia-tasa 150etik gora
Euskal Autonomia Erkidegoan, pandemia neurtzeko adierazleek okerrera egiten jarraitzen dute egunetik egunera. Intzidentzia-tasari dagokionez, hamabi puntu egin ditu gora eta 168,52an kokatu da. Horri lotuta, gogoratu behar da Jaurlaritzak neurriak malgutzeko baldintzetako bat izan zela tasa 150etik beherakoa izatea.
Hurrengo grafikoan daude lurralde bakoitzeko bilakaerak, eta adierazgarria da 200eko langa gainditu duen Gipuzkoako tasaren gorakada (berdez):
Bestetik, oinarrizko birsorkuntza datuak (R0) apur bat behera egin badu ere, 1,51koa da oraindik. Hortaz, pandemiak hedatzen jarraitu du, iazko udako datuetara gerturatuz:
Eta positibo berriei erreparatuta, 5.305 proba diagnostiko egin ostean, 369 positibo baieztatu dituzte; horrenbestez, positibotasun-tasa % 6,9koa izan da. Adierazle hau ere puzten ari da egunetik egunera, eta azken asteko datuek ere hori erakusten dute:
Lurraldeka, 178 kasu baieztatu dira Bizkaian, 146 Gipuzkoan, 34 Araban eta bederatzi bestelako lurraldeetan erroldatutakoen artean.
Bestalde, EAEko ospitaleetan, hamar lagun ingresatu dituzte azken orduetan, eta guztira, 86 dira ingresatuta daudenak. Horietatik 36 daude ZIUn (aurreko egunean baino bat gehiago) eta 50 daude plantan.
Nafarroan, 507 positibo
Euskal Autonomia Erkidego osoan erregistratutakoak baino 152 kasu gehiago hauteman dira Nafarroan, azken orduetan; orotara, 507. Datuek kezkatuta, Nafarroako Gobernuak arau bakarra zorroztuko du: hilaren 7tik aurrera, tabernak eta dantzalekuak 01:00etan itxi beharko dira.
