Pandemiak eragindako egoerak antolaketa aldetik "zailtasunak" ekarri dizkien arren, topaketak egitea garrantzitsutzat jo dute gazteek. Izan ere, pandemia hizpide, gaineratu dute gaitzak eragindako krisiak zuzen-zuzenean eragiten diela: "Zaintza krisia, etxe-gabetzeak, gazte kriminalizazioa, gazte prekarietatea, eta abar luze bat. Aspaldidanik esan da sistema kapitalista heteropatriarkala sostengaezina dela, eta gu ere horretan berresten gara".
Debagoieneko feministen arabera, neska gazte izateak zapalkuntza eta desoreka jakinak pairatzea dakar, eta topaketetan, besteak beste, problematika zehatz horien inguruan jardungo dute. Horrez gain, jardunaldiak saretzeko eta ondo pasatzeko baliatuko dituztela ere jakinarazi dute.
Honako egitaraua aurkeztu dute:
UZTAILAK 2, EGUBAKOITZA
Seber Altube plazan
- 18:00 Harrera eta jolasak
- 20:00 Tailerra
- 21:00 Kontzertu akustikoa: Tabu.
- Ondoren, mikro irekia
UZTAILAK 3, ZAPATUA
Monterronen
- 11:00 Mahai-ingurua: neska* gazte subjektua
- 13:30 Tailerra: Euskal Herriko mugimendu feministaren genealogia
- 14:30 Bazkaria: zuk ekarri zuk jan!
- Ondoren, bingo musikatua
- 18:00 Ikuskizuna: oihal akrobaziak
- 20:00 Bertso-trama
- Ondoren, pintxada kolektiboa gaztetxean
UZTAILAK 4, DOMEKA
- 12:00 Tailerra, gaztetxean
- 14:30 Bazkaria: zuk ekarri zuk jan!
- 18:00 Kontzentrazioa eta ekitaldia, Seber Altube plazan