Momentura arte indarrean egon diren arauen erakinkortasuna neurtu eta horiek mantendu edo moldatu erabakiko dute agintariek; horretarako, osasun adituek egindako txostena izango dute oinarri. Gainera, Bizi Berri IV planaren onarpena ere eztabaidatuko du LABIk hurrengo bileran.
Bestetik, Itziar Larizgoitia Jaurlaritzako Osasun Publikoaren eta Adikzioen zuzendaria izan da gaur Legebiltzarreko Osasun Batzordean, eta esan du Delta aldaera nagusitzen ari den honetan, bi bide jarraitu behar direla: txertatzen jarraitzea eta mugikortasuna mugatzea. Larizgoitiaren arabera, agerraldi gehiago egongo dira udan eta zuhurtziaz jokatzea izango da gakoa.
