Atzo egindako bileran, erkidegoek eta Madrilgo Osasun Sailak berrikuntzak onartu zituzten COVID-19ren detekzio goiztiarrerako, zaintzarako eta kontrolerako Estrategian. Hemendik aurrera, positibo batekin kontaktu estua izan duten immunizatuak, txertaketa ziklo osoa bete dutenak, ez dira etxean geratu beharko. Hori bai, bi PCR egin beharko dituzte –bat hasieran eta bestea zazpi egunetara– eta saihestu egin beharko dute pertsona zaurgarriekin eta txertorik hartu ez dutenekin harremanak izatea. Horrekin batera, maskara erabiltzea eta ekitaldi jendetsuetara ez joatea gomendatzen zaie.
Bestetik, Osasun Batzordeak onartutako beste erabaki bat da haurdun daudenek ere txertoa hartzeko aukera izango dutela, haurdunaldiaren edozein fasetan daudela ere.
