Gotzone Sagardui Osasun sailburuak jakinarazi duenez, hurrengo txertaketa-taldea deitzen hasiko dira datorren astean; hau da, 30-39 urte bitarteko herritarrak. Halere, dagoeneko, Osakidetzaren webgunean txanda hartzeko aukera zabalik dute multzo horretako lehenengoek. Bestetik, horiekin batera, AstraZenecaren bigarren dosia hartu behar duten 60 urtetik gorakoak ere deituko dituzte.
Horrez gain, sailburuak aste honetan iritsi behar diren dosien inguruko informazioa ere eman du: Pfizerren 141.570 dosi iritsiko dira –orain arteko partida handiena–, AstraZenecaren 71.000 eta Janssenen 6.200. Guztira, 218.770 txerto.
