ELAk salaketa jarri zuen Gipuzkoako Lan Ikuskaritzan, Aita Menniko zuzendaritzak "greba eskubidea urratu" zuela argudiatuz. Ospitaleak, baina, erantzun egin du eta sindikatuak esandakoak gezurtatu ditu: "Aita Mennik ez du greba-eskubidea urratzen, ELAk lehentasuna ematen dio eta greba-eskubidea ezartzen du pazienteen bizi-kalitatearen eta behar duten arretaren gainetik".
Ospitaleak azaldu duenez, greba-egunetan egoiliarrek ezin izaten dute unitateetatik irten, ezta kanpoko kontsulta medikoetara joan ere: "Zainketen duintasuna edozein erreklamazio sindikalen gainetik dago" , gehitu du Aita Mennik.
Bestetik, azpimarratu nahi izan dute "ez dagoela egiturazko arazorik" ( hau da, langile premia, lan-kargak handiak, udako ordezkapenak eta lan-osasunaren arloko gabeziak...) eta era berean, negoziaketarako borondatez daudela azaldu dute: "ELArekin negoziatzeko zailtasunak izan arren –entzuteko eta negoziatzeko batere borondaterik ez duelako–, Aita Menni Ospitaleak negoziazioaren alde egiten jarraituko du, pazienteen arretaren eta langileek egiten duten lan bikainaren alde".