Azken hiru urteetan Aita Menniko langileek hainbat ekimen egin dituzte enpresarekin hitzarmena lortzeko, baina gaurko greba egunean, oraindik "erantzunik jaso ez ez dutela" salatu dute. Gainera, greba egiteko izan dituzten "oztopoak" jarri dituzte mahai gainean: "Enpresak greba eta mobilizazioak oztopatzeko egindako saiakerak salatu nahi ditugu. Presio eta mehatxuen bidez, langileak desmobilizatzea saiatzen ari da behin eta berriz, eta onartezina da". Horren harira, ELAk salaketa jarri zuen Gipuzkoako Lan Ikuskaritzan, Aita Menniko zuzendaritzak "greba eskubidea urratu" zuela argudiatuz.
Bestetik, langileek azaldu dute uda sasoian haien egoera okertu egiten dela. "Arazoak areagotzen ari dira, eta postu asko ez dira ordezkatzen, dauden langileei lan zama bikoiztuz eta langileen karga emozional eta psikologikoa areagotuz", iritzi dute.
Sinadura bilketa, kalean
Datozen asteetan, langileek "sozializazio mahai bat" jarriko dute Arrasateko kaleetan, herritarren sinadurak biltzeko eta "administrazio publikoa interpelatzeko".