- Grafiko eta datu guztiak ikusgai daude goiena.eus-eko azken datuak atalean.
Intzidentzia-tasei erreparatuta, azpimarratzekoa da nabarmen egin duela behera Aretxabaletako zenbatekoak (70,62), eta Arrasaten, aldiz, azken kasuek eraginda, gora egin du tasak (172,09). Nolanahi ere, eta gorabeherak gorabehera, mapako koloreak ez dira aldatu.
> Mapa 14 egunetako tasa metatuaren arabera koloreztatu da. Osasun Sailak emandako irizpideei jarraiki, berdez agertuko dira 60tik beherako tasa dutenak, horiz 60-299 bitartekoak, laranjaz 300-399 bitartekoak eta gorriz 400etik gorakoak.
EAEn, beheranzko joera
Osasun Sailak jakinarazi duenez, pandemiaren bilakaera aztertzeko erabiltzen dituzten adierazleek hobera egin dute azken orduetan: intzidentzia metatuaren tasa 174,80koa da (-6,09); oinarrizko birsorkuntza tasa, 0,82koa (-0,01); tasaren arrazoia 0,85koa (-0,02) ZIUetan 71 lagun daude (-6); eta 65 urtetik gorakoen arteko intzidentzia tasa ere 47,54koa da (-3,44)
Bestetik, atzo egindako 6.769 PCR eta antigeno probek 224 positibo atzeman zituzten (% 3,3k eman zuen emaitza positiboa). Lurraldeka, 123 izan ziren Bizkaian hautemandako kasuak, 60 Gipuzkoakoak, 40 Arabakoak eta hiru bestelako lurraldeetan erroldatutakoen artean atzemandakoak. Hurrengo grafikoan daude lurralde bakoitzeko intzidentzia-tasak:
Ospitaleei dagokienez, aurreratu bezala, EAEn sei lagun gutxiago daude Zaintza Intentsiboetako Unitateetan; guztira, 71. Plantan berriz, 116 daude azken datuen arabera –aurreko egunean baino zortzi gehiago–, eta hortaz, guztira 187 dira EAEn ospitaleratuta daudenak. Bestalde, atzo 36 lagun ingresatu zituzten.
Nafarroako datuak, batzeke
Nafarroako Gobernuak behin betiko datuak argitaratutakoan osatuko da albistea.
