Bi positibo hauteman dira bailaran; biak Arrasaten

Uxue Igarza Loiola 2021ko eka. 8a, 12:56

Atzo egindako PCR eta antigeno probek bi kasu bakarrik baieztatu dituzte bailaran, eta biak Arrasaten atzemandakoak izan dira. Hala, 3.093 dira pandemia hasi zenetik kutsatutako arrasatearrak; eskualde osoan gaitza hartu dutenen % 42,7, hain zuzen ere.

  • Grafiko eta datu guztiak ikusgai daude webguneko azken datuak atalean.

Intzidentzia-tasei dagokienez, behera egin dute zenbatekoek azken egunetako joerari eutsiz; halere, oraindik koloretako mapa ez da itxuraz aldatu.

> Mapa 14 egunetako tasa metatuaren arabera koloreztatu da. Osasun Sailak emandako irizpideei jarraiki, berdez agertuko dira 60tik beherako tasa dutenak, horiz 60-299 bitartekoak, laranjaz 300-399 bitartekoak eta gorriz 400etik gorakoak.

Positibotasunak, behera

Hego Euskal Herriko positiboei dagokienez, 10.211 probatatik % 2,4k eman du emaitza positiboa EAEn eta % 2,5ek Nafarroan; hots, 245 herritarrek. 107 izan dira Bizkaian erregistratutako kasuak, 70 Gipuzkoakoak, 44 Nafarroakoak, 21 Arabakoak eta hiru bestelako lurraldeetan erroldatutakoen artean atzemandakoak.

Positibotasunaz gain, intzidentzia-tasa metatuak ere behera egin du EAEn (-3,41) eta 192,25eko zenbatekoa erregistratu da azken orduetan. Era berean, oinarrizko birsorkuntza datua ere jaitsi egin da: 0,84koa da.

Bestetik, EAEko ospitaleetan, hamahiru lagun gutxiago daude plantan eta ZIUn daudenen zenbatekoa berdin mantendu da (84). Hala, guztira 211 pertsona daude ingresatuta, eta atzoko ospitaleratuak 32 izan ziren. Nafarroan, aldiz, 40 dira guztira ingresatuta daudenak, eta horietatik hamalau daude Zaintza Intentsiboetako Unitateetan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak