360 kasu atzeman dira azken orduetan Hego Euskal Herrian, eta guztira egin diren 9.881 PCR eta antigeno proben %3,5ek eman du emaitza positiboa EAEn eta %4,1ek Nafarroan.
Lurraldeka, 170 kasu baieztatu dira Bizkaian, 86 Gipuzkoan, 73 Nafarroan eta 31 Araban. Bilakaerak hobera egin du Euskal Autonomia Erkidegoan, baina ez ordea, Nafarroan; izan ere, azken bi egunetako daturik txarrena erregistratu da bertan.
Bestetik, 28 lagun ingresatu zituzten atzo EAEko erietxeetan, eta koronabirusa duten 83 pertsona daude ZIUn; aurreko eguneko zenbateko bera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.