EAEko zenbait lekutan, ordubetean metro karratuko 15 litro baino gehiago pilatu daitezkeela aurreikusten du segurtasun sailak, eta hortaz, gaurko 18:00etatik 24:00etara eta biharko 12:00etatik 24:00etara abisu horia ezarri du. "Zaparrada ertainak eta trumoitsuak botako ditu; zenbait lekutan handiak izan daitezke eta txingorra bota dezake, bereziki barnealdean. Ekaitz-guneetan haize-bolada gogorrak edo oso gogorrak izan ditzakegu" azaldu du Segurtasun sailak.