Atzoko probek emandako emaitzek erakusten dute pandemiaren egoerak ez duela hoberako bidea egiten oraindik. Eguenean baino 32 positibo gehiago hauteman ziren. Kopuru horrek, EAE-ko positibotasun tasa igotzea ekarri du: %4,5etik %5,1era.
Kontrara, ospitaleetako egoerak apur bat egin du hobera. Azken orduetan bi pertsona atera dituzte zaintza intentsiboetako unitateetatik. Hori horrela, egun 101 dira ZIUetan ingresatuta daudenak. Atzo, egubakoitza, 33 pertsona ospitaleratu zituzten. Eguenean, 41 izan ziren.
Nafarroako datuak ez dituzte oraindik kaleratu.
