Asteburu honetan hiru aste beteko dira alarma egoera indargabetu zenetik eta Jaurlaritzaren neurri berriak indarrean sartu zirenetik –besteak beste, ostalaritza establezimenduak 22:00etan ixtea–. Orduan Urkulluk adierazi zuenez, 20 egunetarako pentsatutako neurriak izan behar ziren horiek, eta hala, epea asteburu honetan bukatuko dela-eta, LABIren aholku Batzordea deitu du astelehenerako.
Pandemiaren bilakaeraren araberako erabakiak hartuko direla azpimarratu dute agintariek. Nolanahi ere, egoerak hobera egin duela ondorioztatzen badute, Bizi Berri III Planari jarraituz, ostalaritzako neurriak malgutzea erabaki dezakete.
