9.041 PCR eta antigeno proba egin zituzten atzo Hego Euskal Herrian, eta horiei esker 537 koronabirus kasu berri atzeman zituzten. Atzo proben %6ak eman zuen positibo EAEn; Nafarroan, aldiz, %5,7ak
Lurraldeka, Bizkaian agertu zen koronabirus kasu berri gehien, 236 guztira. Gipuzkoan 168 kasu berri atzeman zituzten –bezperan baino 70 gutxiago–; Nafarroan 101; eta Araban, 31.
Ospitaleen egoerari dagokionez, 46 izan ziren atzo COVID-19aren ondorioz EAEn ospitaleratu zituzten herritarrak. Une honetan 199 pertsona daude Hego Euskal Herriko ospitaleetako Zaintza Intentsiboetako Unitateetan.