Txomin Garcia Laboral Kutxako lehendakariak hartu zuen hitza lehenbizi ekitaldian hitza, eta entitateak etorkizun hurbilean aurrez aurre izango duen egoera ekonomiko korapilatsuaren zertzelada batzuk eman zituen, honakoa esanez: "Mugikortasunari jarritako mugek itzalaldia eragin zuten mundu osoko ekonomian, eta shock bikoitza sortu zen: eskaintzarena eta eskariarena. Hori erabakigarria izan da aurreko ekitaldiko ibilbide ekonomikoan, eta, gaur-gaurkoz, zalantzaz beteta jarraitzen dugu".
Horrekin batera, batzarrak onetsi egin zuen 2020ko kudeaketa eta urteko kontuak: 84,7 milioi euroko irabazia, % 21,20ko CET1 kaudimen-maila eta % 3,31ko berankortasun-tasa.
2021eko Gestio Plana eta bultzada eraldatzailea
Ondoren, Xabier Egibarrek hartu zuen hitza, Laboral Kutxako zuzendari nagusiak. 2020-2022 Plan Estrategikoan ezarri ziren aldi bereko bi agendak gogorarazi zituen, bi helburu dituztela esanaz: Core negozioa optimizatzea eta, bide batez, entitatea eraldatzea. Finantza-erakundeko lehen exekutiboak azaldu zuenez, "gaur egun bizi dugun egoera dela eta, helburuak eta lehentasunak zehatz-mehatz aztertu behar izan ditugu, pandemiaren eraginak gestio-parametro guztietan sartzeko. Halere, Xabier Egibarren hitzetan, "analisiaren ondorio nagusien arabera, Laboral Kutxak osotasunean garatu beharko du bere ibilbide-orria, eta prozesu eraldatzailean inbertitzen jarraitu beharko du, etorkizuneko lehiarako agertokia prestatzeko". Hartara, 2021eko ekitaldirako jarduketa-esparruan hiru ardatz handi uztartu beharko direla azpimarratu zuen: Bezeroarenganako eta merkaturako orientazioa,, kontrola eta bultzada eraldatzailea.
Jasangarritasun programa
Jasangarritasunaren arloan, Gaztenpresa Fundazioaren bidez 256 mikroenpresa eta 500 lanpostu sortzea lortu du entitateak, bai eta CO2 isurtzeak % 83 txikitzea ere. Hala, Laboral Kutxak gai horretan duen posizionamendua sendotuko duela ere adierazi zuten.
Klima-aldaketak aspalditxotik dituen eragin sozial eta ekonomikoak gogorarazi zituen Egibarrek. Beharrezkotzat jotzen du jasangarritasun-
irizpideak ezartzea eta estrategia bat zehaztea, bermatuko dituena, batetik, gero eta zorrotzagoak diren arauak (ingurumenekoak, sozialak eta gobernantza on korporatiboari buruzkoak) betetzea eta abar.