EAEn 10.401 proba egin ziren eta haietatik, 835 izan ziren positiboak (% 8,0). Herenegun baino 38 positibo gutxiago zenbatu ziren atzo Gipuzkoan. Araban, berriz, zertxobait gora egin du positiboen kopuruak hereneguneko datuekin alderatuta; 16 gehiago. Eta Bizkaian, 63 positibo gutxiago.
Ospitaleen egoerari dagokionez, COVIDaren ondorioz 97 pertsona ospitaleratu ziren atzo Osakidetzako zentroetan, eta COVIDa duten 141 pertsona ZIUn zeuden.
Nafarroak, ostera, 150 kasu positibo berri atzeman zituen atzo, 1.944 proba egin ostean; positibotasun-tasa % 7,7koa izan zen. Bestalde, 197 gaixo zeuden atzo COVID-19 dela eta ospitaleratuta Foru Erkidegoko ospitale-sareko zentroetan, aurreko egunean baino bost gehiago. Atzo, koronabirusarekin lotutako 19 ospitaleratze izan ziren, horietako hiru ZIUn.
