Johnson & Johnson konpainiaren 6.850 dosi iritstekoak ziren bihar Euskal Autonomia Erkidegora, 70 eta 79 urte bitarteko pertsonei emateko. Halere, Amerikako Estatu Batuetan, sei odolbildu kasu larri atzeman dituzte (eta pertsona bat hil da) eta txertoarekin lotura ote duten aztertzen ari dira. Bitartean, Europan, Janssen txertoen bidalketa atzeratu da, baina Europako Sendagaien Agentziak bere aldetik adierazi du ez dagoela argi loturarik ote dagoen.
Bestetik, azken orduetan Pfizerren 70.207 dosi iritsi dira erkidegora, eta AstraZenecarenak esperotakoen erdiak izan dira. Horri lotuta, oraindik erabaki gabe dago zer egin AstraZenecaren bigarren dosia jaso behar dutenekin. Sailburuak esan duenez, Osasun Publikoaren Batzordearen irizpidearen zain daude.
