Eusko Jaurlaritzaren Osasun Sailak adikzioen arloko jardunbide egokien eta ibilbide profesionalen inguruko proiektuak aintzatetsi ditu; tartean, Arrasateko San Juan de Dios ospitalearen eta Aretxabaleta Kirol Elkartearen UD@A proiektua. Hain zuzen ere, mendekotasuna sortzen duten substantzien kontsumoaren aurkako "prebentzio-ekintzagatik" eta Aretxabaleta Kirol Elkartean kirola egiten hasten direnak "sentsibilizatzeko eta kontzientziatzeko ekintzagatik" saritu du epaimahaiak UD@A.
Osasun Sailak adierazi duenez, sariketaren helburua adikzioen eremuan jarduten dutenen ibilbide profesionala "aintzatestea" da, baina baita eredu positiboak "ikusgarri" egitea ere: "Arlo honen prebentziorako, asistentziarako, gizarte-inklusiorako, prestakuntzarako eta ikerketarako garatu diren jardunbide egokien balioa nabarmentzea ere nahi dugu".
Hala, Osasun Sailak bailarako egitasmoa saritzeaz gain, Jeiki, Gizakia, Agipad eta Etorkintza fundazioak eta Erdu proiektua nabarmendu ditu. Eta bestetik, Galdakaoko ESI-ko psikiatria zerbitzuaren unitate duala ere saritu du, jardunbide egokiagatik.
UD@A, nerabeei begira
