Honako neurri zehatzak proposatu dituzte EITBk aurreratu duenez:
- Ostalaritzako establezimenduen barruko ordutegia murriztea , 06:30etik 09:30era goizez; eta 13:00etatik 16:30era arratsaldez.
- Eremu itxietan egiten diren kirol-jardueretan gehienez lau pertsonako taldeak aritzea –talde profesionalen eta federatuen entrenamenduetan eta lehiaketetan izan ezik–.
- Joko eta apustu lokaletan ostalaritza eta jatetxe-zerbitzua etetea.
Arrasatek eta Bergarak 300dik gora
Debagoienean Antzuola da une honetan 400dik gorako intzidentzia-tasa duen herri bakarra –458,93ko tasa du–, baina 5.000 biztanletik behera dituenez balizko murrizketak ez lirateke aplikatuko. Aldiz, Arrasate eta Bergarak biztanle kopuru hori errez gainditzen dute. Une honetan laranja kolorean daude, baina 400etik beherako intzidentzia tasatik gertu; Arrasatek 330,59ko tasa du, eta Bergarak 352,49koa.
