Dagoeneko AstraZenecaren txertoa ematen hasi zaie 55 urtera bitarteko udaltzain eta etxez etxeko laguntza zerbitzuetako langileei, eta, orain, 56 eta 65 urte bitarteko langileei jarriko zaizkie txertoak (3.300 polizia-agente eta 3.200 ELZko langile, gutxi gorabehera) eta baita gizarte-langileei eta bazterketa-egoeran dauden pertsonei arreta emateko edo udal-aterpetxeetako langileei ere.
Alkateei, Excel fitxategi bat bidali die Udalen Elkarteak, eta udal bakoitzak bere langileen datuak adierazi beharko ditu bertan: adina, harremanetan jartzeko bidea, bizilekua eta lantokia. Taula datorren martxoaren 31 baino lehen egin beharko dute.
