Mendi eskiko Euskal selekzioak zilarrezko domina bat eta brontzezko beste hiru domina irabazi zituen atzo, Candanchun egin zuten Espainiako taldekako Txapelketan. Eta dominetako bat Axi Alonsok eskuratu zuen, Iñigo Martinez de Albornozekin batera hirugarren sailkatuta. Emakumezkoetan, berriz, junior mailan Oñatiko Sara Arregik ere brontzea irabazi zuen Carlota Martinez de Aragonekin batera.
Bikote mixtoen kategorian ere bailarako eskiatzaileak nabarmendu ziren. Irabazleak Arrasateko Leire Ezpeleta eta harekin bikotea osatu zuen Jon Arriaran izan ziren, eta bigarren sailkatu ziren Ainara Uribarri oñatiarra eta harekin lehiatu zen Ander Uriarte.