San Joseko zubian, martxoaren 17tik 21era, eta Aste Santuan, martxoaren 26tik apirilaren 9ra, ezin izango da autonomia erkidego batetik bestera igaro. Hala adostu dute gaur arratsaldean egindako bileran. Mugikortasunaz gain, bestelako neurri batzuk ere zehaztu dituzte; etxeratze-agindua beranduenez 23:00etan ezarri beharko dute eta eremu publikoan 4 eta 6 pertsona artean elkartu ahalko dira, gehienez. Eremu pribatuan bizikideak soilik bildu ahalko dira.
Erkidegoen esku
Hala ere neurriak zorrozteko edo malgutzeko aukera autonomien esku laga dute. Gogoratu EAEk gaurko bileran finkatutakoan baino neurri zorrotzagoak dituela, gaur gaurkoz, indarrean. Hain zuzen ere, Eusko Jaurlaritzako Osasun Sailak adierazi dute hori izan dela neurriok onartzeko arrazoia: "Aurreikusitakoak baino neurri murriztaile zorrotzagoak ezarri ditugun erkidegoetan gure esku egongo da neurri horiek arintzea edo ez erabakitzea".
