5.000 biztanletik gorako herrien artean Aretxabaleta da eremu gorrian dagoen bakarra Debagoienean ia 700eko intzidentzia-tasarekin. EAEn beste bi daude horrekin batera, Gipuzkoan Lazkao eta Bizkaian, Derio. Herri txikien artean Eskoriatzak ere 500etik gorako intzidentzia-tasa du, atzoko datu berbera, eta Antzuolak ere bai, baina beheranzko joerarekin.
Beheko mapan daude herri bakoitzeko datu eguneratuak:
Hego Euskal Herrian 385 kasu
Atzo, martitzena, 8.560 test egin zituzten EAEn eta horietatik 334 izan ziren positiboak (%3,9 positibotasun-tasa); hona hemen lurraldeka: 58 Araban, 101 Gipuzkoan, 172 Bizkaian eta 3 EAEtik kanpo erroldatutakoak. Atzo, gainera, 50 lagun ospitaleratu zituzten, 255 gaixo zeuden Osakidetzako ospitaleetan eta ZIUetan 113.
Nafarroan, ostera, 1.802 proba egin zituzten eta horietatik 51 izan ziren positiboak, positibotasun-tasa %2,8 izanik. 79 gaixo zeuden ospitaletan COVID-19ak jota, eta heriotza bat izan zen.
