Debagoieneko zapiak eta ordezkariak Emakume Mundu Martxaren itxiera ekitaldian

Irun eta Hendaia arteko zubian egin dute itxiera ekitaldia 27 bat eskualdetik iritsitako 60dik gora zapirekin eta hainbat ordezkarirekin.

Euskal Herriko Emakume Mundu martxara handik eta hemendik atxikiriko zapiak elkartzeko unea izan zen itxiera ekitaldia. Mugen eta transnazionalen aurkako mobilizazioa izan zen.

Manifestazioa Hendaiako herriko plazatik abiatu zen 11.00etan, eta Ipar Euskal Herriko ordezkariak 11:30ak aldera iritsi ziren Santiago zubira. Mugako kontrola gainditu behar izan zuten Irungo aldean zain zeuden Hego Euskal Herriko ordezkariekin elkartzeko guztiak batera egin zuten ibilbidea Irungo kale nagusien barrena ibilbidea Avenida zubian amaitzeko.

27 bat eskualdetik iritsitako 60 zapitik gora elkartu ziren manifestazioan guztiak ere mugen, transnazionalen eta arrazakeriaren aurkako leloekin. Avenida zubian oihal bakarra egin zuten 60dik gora zapiak elkarren artean lotuz. Ondoren, mugarik gabeko mundu bat aldarrikatu zuten feministek Avenida zubian egindako performance batean. Horrekin batera, emakume arrazializatuek pairatzen duten bazterkeria bikoitza salatu zuten.

Erlazionatuak

Emakume Mundu Martxa - Itxiera ekitaldia

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.