Pfizer/Biontech txertoaren lehen 192 dosi inokulatu dira sei eguneko zentrotan, eta beste hamar Astrazeneca dosi, 55 urtetik beherako langileen artean. Gipuzkoan 63 eguneko zentro daude, eta 1.200 erabiltzaile horietan. Gizarte Politikako departamentuak aurreikusi du 2-3 astetan eguneko zentroetan lehen dosiak aplikatzea. Era berean, astelehenean, desgaitasuna eta gaixotasun mentala duten pertsonentzako baliabideetako erabiltzaileei eta langileei hasiko dira txertoa jartzen.
Txertoa jartzeko ardura duten sei talde ditu Aldundiak, eta DYAko eta Aita Menniko profesionalekin lankidetzan dihardu. Txertaketa-prozesua arintzeko helburuarekin, txertaketa-puntuak zehaztu dituzte Gipuzkoan, eta hara bertaratuko dira txertoa jasoko duten kolektibo guztiak, eguneko zentroetako erabiltzaile diren adinekoak izan ezik; horiek txertoa euren zentroetan jasoko dute.