Foru Aldundia Osasun Sailarekin elkarlanean ari da txertaketa-kanpainan, eta adinekoen 63 eguneko zentroetako profesionalek AstraZeneca txertoaren bi dosiak jasoko dituzte datozen asteetan. Bihar bertan hasiko dira lehen dosiak jasotzen Hurkoa (Donostia) zentroko profesionalak, eta datorren astetik aurrera, hainbat txertaketa-gune jarriko dituzte lurraldean.
Eusko Jaurlaritzako Osasun Sailak diseinatutako txertaketa-estrategiari eta haren lankidetza eta laguntza eskaerari erantzunez, bihar hasiko da txertaketa Gipuzkoako adinekoentzako 63 eguneko zentroetako 55 urtetik beherako langileen artean, AstraZenecaren lehen dosiekin. Kolektibo horrekin amaitu ondoren, desgaitasuna eta gaixotasun mentala duten pertsonentzako eguneko zentroetako eta etxebizitzetako profesionalak txertatzen hasiko da.
Txertaketa-prozesua bizkortzeko helburuarekin, dosiak Aldundiaren talde propioek ipiniko dituzte, DYAko ekipoen laguntzarekin. Dagoeneko Osakidetzako profesionalen eskutik jaso dute beharrezko prestakuntza eta txertaketa-kanpaina gainbegiratzeaz ere arduratuko dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
