Gauzak horrela, kanpainako lehenengoak izan ziren egoitzetan, egoiliarren eta profesionalen immunizazioarekin jarraituko da eta baita Osakidetzako lehen lerroko osasun-profesionalen txertaketarekin ere. Baina, esan bezala, hirugarren taldea ere txertatzen hasiko dira: klinika pribatuetako lehen lerroko profesional sanitarioak, Ertzaintzako agenteak eta eguneko zentroetako profesionalak.
Bestetik, egoera oraindik "kezkagarria" dela esan du sailburuak, eta "bide luzea" dagoela egiteko: "Helburua 100.000 biztanleko 60 kasuko intzidentzia metatura iristea da".