Herrietako itxiera perimetrala mantenduko da, baina mugakideak diren herrien arteko mugikortasuna baimenduko da kirola edo jarduera sozioekonomikoak egiteko.
Bestetik, kirolari dagokionez, lehiaketa profesionalean edo erdi profesionalean dauden taldeen entrenamenduak eta lehiaketak baimenduko dira. Eta horrekin batera, kirol federatuko eta Eskola Kiroleko entrenamenduak eta gimnasio, klub edo polikiroldegietako programatutako jarduerak ere baimenduta egongo dira; betiere, herri horietan 500etik beherako intzidentzia badago.
Bestalde, Auzitegi Nagusiaren behin behineko ebazpenak ez du eragin Jaurlaritzak ostalaritzako sektoreari beste neurri murriztailerik ezartzea.
Aurreratu bezala, neurriok hilaren 15ean jarriko dira indarrean.
