12.454 proba egin zituzten atzo, zapatua, Hego Euskal Herrian eta 719 kasu berri identifikatu. Lurraldeka, 100 kasu berri daude Araban, 304 Bizkaian, 217 Gipuzkoan eta 87 Nafarroan. Halaber, beste erkidego edo toki batzuetako 11 kasu ere atzeman zituzten Osakidetzak egindako probetan.
EAEn 10.104 proba egin zituzten atzo eta 632 izan ziren positiboak, %6,3ko positibotasun-tasarekin. Nafarroari dagokionez, 2.350 probetatik 87 izan ziren positiboak (%3,7). Behera egin dute, beraz, baieztatutako kasuek, baina probak ere gutxiago egin dituzte –egubakoitzean, 18.101 eta zapatuan, 12.454–.
COVID-19aren ondorioz, 57 pertsona ospitaleratu zituzten atzo EAEn, eta gaitza duten 161 pertsona daude ZIUn gaur-gaurkoz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.