Gipuzkoako industrian enplegua babestea eta lehiakortasuna garatzea dira Aldundiarentzat erronka nagusienak, eta Olanorentzat kooperatiba taldea "eredu" izan da COVID-19ak sortutako krisi ekonomikoari aurre egiteko orduan, "egokitzeko gaitasuna" eta "gizarte konpromisoa" erakutsi dituelako: "Oinarri garrantzitsu bat izan da Mondragon taldea; pandemiaren ondorioak arintzeko orduan ekarpen itzela egin du, ez soilik arlo ekonomikoan, baita arlo sozio-sanitarioan ere".
Bestetik, bileran, industria jardueraren egoeraren eta epe laburreko bilakaeraren inguruko analisiak partekatu dituzte, baita EBko Next Generation funtsek Gipuzkoako eraldaketa ekonomiko eta sozialean izan behar duten paperaren ingurukoak ere.