Intzidentzia-tasei dagokienez, hainbat herritan egin du gora, nabarmenenak Arrasaten (403,04) eta Oñatin (130,30), baina ez da izan eremu aldaketarik. Debagoieneko osasun eremuari dagokionez intzidentzia-tasa 362,40 izan zen atzo.
Grafiko eta datu guztiak ikusgai daude goiena.eus webguneko azken datuak atalean.
Hemen datu guztiak:
>Grafiko guztiak modu interaktiboan ikusi hemen.
Hego Euskal Herrian, 1.249 positibo
Hego Euskal Herrian ere positibo kopuruak gora egin du zertxobait atzoko datuarekin (1.224) alderatuta; hona hemen lurraldeka: 144 Araban, 544 Bizkaian, 320 Gipuzkoan, 12 EAEtik kanpo erroldatutakoak eta 229 Nafarroan. EAEn 15.083 proba egin zituzten eta positibotasun tasa %6,8 izan da (atzo baino %0,4 handiagoa). Nafarroan, ostera, 3.824 izan dira egindako probak eta positibo eman du %6ak (atzo baino %1,1 handiagoa).
Ospitaleen egoerari dagokienez, atzo 84 ospitaleratu zituzten Osakidetzan, ZIUetan 156 gaixo zeuden eta plantan 573. Nafarroan, ostera, hamabi izan ziren atzo ospitaleratutakoak, 31 zeuden ZIUetan eta 195 plantan. Gainera, herritar bat hil da Foru Komunitatean azken orduetan eta beste bi lagun aurreko egunetan.