Azken orduetan positibo tasa hazi egin da Hego Euskal Herrian, eta dagoeneko langa esanguratsua galdinditu da, mila positibokoa –nahiz eta azken orduetan test gutxiago egin diren–. EAEn 835 positibo zenbatu dituzte (11.255 froga egin eta gero) eta Nafarroan 195 lagunek eman dute positibo (2.925 froga egin eta gero, test antigenoak eta PCRak batuta). Hala, azken ordu hauetan Araban eta Bizkaian egon da hazkunde handiena. Araban 112 positibo egon dira, Bizkaian 479, Gipuzkoan, 228, eta Nafarroan, 195. Hala, Gipuzkoan eta Nafarroan jaitsi egin den moduan, Bizkaian eta Araban hazi egin da positibo kopurua.
Ospitaleen egoerari dagokionez, COVIDaren ondorioz 74 pertsona ospitaleratu zituzten atzo, eta COVIDa duten 86 pertsona ZIUn daude. Gogoan izan Udalerrietako kasuak eta R0 indizea astelehenean eguneratuko dituztela.