Zazpi kasu berri hauteman dira azken orduetan

Bi Aretxabaletan, bi Eskoriatzan, beste bi Oñatin eta kasu bakarra Arrasaten. Horiek izan dira atzoko egunez Debagoienean erregistratutako positiboak. Bestetik, intzidentzia-tasetan ez da aldaketa nabarmenik izan.

Atzo atzemandako zazpi positiboak batuta, pandemia hasi zenetik 4.758 dira koronabirusa hartu duten debagoiendarrak. Azken egunetan datuek hobera egin dute, baina atzo LABIren Batzorde Teknikoak markatutako helmugatik urruti daude oraindik. Adituen arabera, intzidentzia-tasak 100.000 biztanleko 60ra murriztea komeni da.

Bailaran, Aramaio dago zenbateko horrengandik gertuen (67,57), eta Eskoriatza urrutien (755,54). Halere, Eskoriatzaren tasa 828,66koa zen herenegun; hortaz, 73 puntu jaitsi da. Mapa honetan daude bailarako herri guztietako datu eguneratuak:

>Grafiko guztiak modu interaktiboan ikusi hemen.

979 positibo Hego Euskal Herrian

14.165 proba diagnostiko egin ziren atzo, eta %6,7k eman zuen positibo EAEn (herenegun baino %1,5 gehiagok) eta %8,4k Nafarroan (%1,3 gutxiagok). Beste modu batera esanda, 979 positibo berri baieztatu zituzten Hego Euskal Herrian: 492 Bizkaian, 219 Gipuzkoan, 162 Nafarroan, 91 Araban eta hamalau beste lurralde batzuetan erroldatutakoen artean.

Ospitaleetan, azken datuen arabera, 549 lagun daude ingresatuta, horietatik 7590, ZIUn. Atzo ospitaleratu zituztenak, berriz, 51 izan ziren: 45 EAEn eta sei Nafarroan.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.