95 positibo atzeman dituzte urteko lehen egunean Gipuzkoan

Hasier Larrea 2021ko urt. 2a, 15:46

Aurreko egunarekin alderatuta, 68 positibo gutxiago zenbatu dira Gipuzkoan. EAEn guztira 4.139 froga diagnostiko egin ziren atzo, eta haietatik 302 positiboak izan ziren, %7,3a zehazki. Nafarroan, ostera, egindako 1.287 probetatik 103k eman zuten positibo, %8k.

Lurraldeen arabera, 80 positibo kontatu dira Araban, 119 Bizkaian eta 95 Gipuzkoan. Datu horiei beste erkidego batzuetako 8 kasu gehitu behar zaizkie. Nafarroan 1.287 PCR proba egin ziren atzo, eta horietatik 103 pertsonak eman zuten positibo, hau da, %8ak. Gainera, bost hildako izan direla azken egunetan jakinarazi du Foru gobernuak. 

Ospitaleen egoerari dagokionez, COVIDaren ondorioz 23 pertsona ospitaleratu ziren atzo Euskal Autonomia Erkidegoan, Nafarroan, berriz, sei. Gaur egun  COVIDa duten 77 pertsona daude EAEko ZIUren batean.

Udalerrietako kasuak eta R0 indizea astelehenean eguneratuko direla adierazi du Eusko Jaurlaritzak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak