Foru Aldundiak azken 24 orduetan Gipuzkoako sarean dauden egoitzetako COVID-19 kasuen berri eman du eta jakinarazi duenez lau dira positibo berriak. Horietako hiru, Debagoieneko egoitzetan atzeman dituzte.
Hiru kasu horietako bi Aretxabaletako GSR egoitzan atzeman dituzte eta bat Oñatiko San Martin egoitzan. Aretxabaletako GSRren kasuan, 61 dira positibo aktikoak gaur gaurkoz eta 20 dira sendatu berriak. Oñatiko San Martinen kasuan, hiru dira une honetan positibo aktiboak.
Lau hildako ere izan dira Gipuzkoako egoiliarren artean, horietako hiru Aretxabaletakoan eta laugarrena, Donostiako Hermano Garate-San Ignacio egoitzan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.